monumenta.ch > Plinius > sectio 122
Word Selection for Searching
Report an Error in this Sectio
Plinius, Naturalis Historia, 17, 122
{XXVI} Non est omittenda raritas unius exempli. Corellius eques Romanus Ateste genitus insevit castaneam suomet ipsam surculo in Neapolitano agro. sic facta est castanea, quae ab eo nomen accepit inter laudatas. postea Tereus eiusdem libertus Corellianam iterum insevit. haec est inter eas differentia: illa copiosior, haec Tereiana melior.